Walonreye oficirmint francès-cåzante

Pol discramiaedje des årtikes avou l' mot « Walonreye », loukîz cial.

Li Walonreye oficirmint francès-cåzante, c' est li stindêye del Walonreye la kel lingaedje oficir, c' est l' francès.

I s' adjixh del Redjon walone, sins l' kiminålté tîxhon-cåzante di Beldjike (9 comenes åtoû d' Neyåw).

Udonbén, li Walonreye oficirmint francès-cåzante, c' est l' Federåcion Walonreye-Brussele sins Brussele.

Tos les djins del Walonreye oficirmint francofone savèt l' francès, mins l' cåznut å pus sovint avou les piceures do francès d' Beldjike.

Gn a sacwantès comenes del Walonreye oficirmint francès-cåzante la k' les Flaminds ont des åjhminces po studyî e neyerlandès : Comene-Warneton, Indjî, Flobek, Moucron.

Lingaedjes do payis del Walonreye oficirmint francès-cåzante

Les lingaedjes do payis del Walonreye oficirmint francès-cåzante sont manaedjîs pal Consey des Lingaedjes do Payis.

lingaedjes romans

Li pus grand boket del Walonreye oficirmint francès-cåzante a des lingaedjes do payis di stok roman; c' est çou ki les diyalectolodjisses ont lomé li Beldjike romande. C' est fok so ci stindêye la ki les diyalectolodjikes des faks di romane ont bouté.

lingaedjes tîxhons

Sacwantès coines del Walonreye oficirmint francès-cåzante ont des lingaedjes do payis di stok tîxhon :

• del troke do francike del Mozele (lussimbordjwès).
  • Comenes do Payis d' Årlon : Årlon, Ater, Messanceye
  • sacwants viyaedjes des comenes di Faiviè : Bodindje, Warimpa.
  • li viyaedje di Bhô, sol ban d' Govi
  • li comene di Måtlindje
• del troke do francike di Rin (ripouwaryin)
  • sacwants viyaedjes dilé Vervî : Åbe, Bailou, Plombire evnd..