Vos, tchvås då Bon Diu (fime)

Vos, tchvås då Bon Diu ! (e francès : Les chevaux de Dieu, e-n arabe ya khîl el-lah"), c' est on fime da Nabil Ayouch, ki mostere li tchminmint di cénk djonneas d' on coulot d' barakes di Cazablanca, et ki vont divni cwate des camicåzes do 16 di may 2003.

Li fime est sortitré « On n’ vént nén å monde mårtir ». Ca po les islamisses, « mårtir », c’ est l’ manire di lomer les cis ki s’ fwaiynut sclater po leu cåze.

Li fime a stî subzidyî e pårteye pa des fonds del kiminålté Walonreye-Brussele.

Tcheriaedje do fimeCandjî

Li prumire pårteye kimince a Sidi Moumen, on coulot d’ barakes k’ a crexhou dins des ancyinnès cårires. Kimint viker dins ç’ monde la : vinde des orandjes so ene tcherete ? Mins fåt ddja dner ene pårteye di t’ wangne a on « pårén » po poleur awè ene bele plaece.

Bouter po on gåraedjisse pédé ? Vinde del drouke ? Adon, c’ est ås viereus policîs k’ i t’ fårè dner des dringueles.

Pu, ene kiminålté islamisse les ascoya. Lezî dner a magnî leu sô, a zels et leus familes ; sognî leus parints malådes ; et lzî espliker li droete voye. Adonpwis : li pactêye politike : li lûte disconte des "innmis" djwifs et crustins.

RicompinsesCandjî

Li fime a rçû l' pris « un autre regard » (avou on louca diferin) a Cane. Pu esse prumé a Nameur[1]

Mins il a yeu eto des pris a Cartadje, a Bayadolid, a Roterdam, a Bzançon, a Brussele, a Mont-Pelî, a Doha (mins nén a Marakech, dins s' prôpe payis, la k' i concoreut e moes d' fevrî 2013). [2]

SourdantsCandjî

  1. Lucyin Mahin, Li Rantoele l° 65, bontins 2013
  2. Telquel (rivuwe marokinne), l° 558, 15 di fevrî 2013, p. 47