Veni creyator
Li veni creyator (e latén veni creator), c' est ene tchanson crustinne k' on tchante å céncweme.
Li cåzaedje, e latén a stî scrît pa Raban Mår, èn årtchuveke di Mayince, viè 800.
Il a stî ratourné e walon pa Djôr Sfasie diviè 2005.
Cåzaedje e walon
candjî1. Vinoz, Sint-sper, ki fwait ttafwait[1]
Vinoz vey li fwè di vos djins.
Et si rimpli del gråce[2] do cir.
Les pwetrenes ki vos avoz prusti.[3]
2. Vos, k’ on croet k’ est nosse Rapåjhteu,
Li Bistoke li pus grande do Pere,
Vicant sourdant, ignire, amour,
Ey ôlmint po froter[4] so l’ åme.
3. C’ est vos ki nos bistoke set côps,
Doet del droete mwin da nosse Popa,
Li cia ki l’ Pere nos a prometou,
Divize ki fwait vuzler les vwès.
4. Espurdoz l’ loumire des sintas,
Sititchîz l’ amour dins les cours ;
Et les flåwès foices di nos coirs,
Rimetoz lzès d’ adroet tofer.
5. L’ afronteu, tchessîz-l’ lon evoye,
Dinez nos li påye ki tént bén ;
Vos ki nos moenne, waitîz al voye ;
K’ on fouxhe schapé di totes les rascråwes.
6. C’ est vos ki nos fwait sepi l’ Pere,
Et cnoxhe si Fi k’ i voet voltî,
Et croere e vos todi sins rlåtche,
Li Sint-Sper d’ onk et l’ ôte des deus.
7. K’ i fouxhe beni l’ Bon Diu li Pere
Et l’ Fi k’ a raviké des moirts,
Fouxhoz beni, vos, l' Rapåjhteu,
Disk’ a todi et po todi.
Åmen.[5]
Sourdant et pî-notes
candjî- ↑ Les voyales e cråssès letes si tchantnut so deus notes
- ↑ Come di djusse les halcrosses E ni s' prononcèt måy.
- ↑ Dins l' mwaisse modêye so «ki vs 'avoz» (3 notes sol «a» di «avoz»).
- ↑ Les voyales e cråssès clintcheyès letes si tchantnut so troes notes
- ↑ Li Rantoele 90, esté 2019.