Toû d' France 2009

Li Toû d' France 2009, c' esteut l' 96inme toû d' France ciclisse. I s' a corou do 4 å 26 di djulete 2009, to cminçant a Monaco.

Mape del "Grande Crole" 2009

Fou d' France, il a passé el Swisse ey el Catalane.

Il a stî wangnî pa Alberto Contador.

Li meyeu pedaleu dins les montêyes, ça a stî Franco Pellizotti, et c' est Thor Hushovd k' a rascodou l' vete mayot do meyeu sprinteu.

Disrôlmint

Dispu l’ depårt di Monaco, i gn a waire yeu d’ atakes des favoris.

Dins les estapes des Pirenêyes, l’ arivéye esteut trop lon des montagnes. Adon, gn aveut sovint des ratrapaedjes. C’ est insi k’ l’ Itålyin Nocentini a dmoré sacwants djoûs avou l’ djaene mayot dissu ses spales. Djusse ene pitite atake da Contador ki s’ a rtrové a deus sgondes padvant Lance Armstrong et c’ est ci-ci ki divneut moenneu.

Dins l’ estape di Vitel a Colmar, rén d’ candjî : l’ ekipe Astana edjaléve el coûsse. L’ arivêye a Verbier après 207,5 kilometes diveut apoirter ene sacwè. Infén ene pitite atake da Contador. Padrî, les deus frés Schleck s’ ont bén batou eyet Armstrong s’ a rtrové a ene munute 35 sigondes.

Å Grand Bornand, Contador esteut dins in fåtûl avou les deus frés. Mins l’ leddimwin, il a tolminme wangnî el conte-li-monte.

I dmoreut l’ estape do semdi å Ventoux. Rola eto, Contador n’ a rén fwait d’ especiål. Il a shû Franck Schleck, mins n’ a nén atakè.

El restant n’ esteut pus k’ ene pormoennåde po l’ djaene mayot disk' a dsu les Tchamps Elizêyes.