Charles Camberlin
Charles Camberlin a skepyî ås Trîs d' Salzene li 11 di nôvimbe 1885. Il a morou tot djonne (39 ans) li 9 d' avri 1924 a Malonne.
| Skepiaedje | 11 di nôvimbe 1885, Salzinnes |
|---|---|
| Moirt | 9 d' avri 1924, Malonne |
| Activités | scrijheu, medcén |
| Ôtes nos | Flupe dal Pwate, Pitch, Bibieux |
Il est rprins dins l' Antolodjeye des powetes namurwès des frés Maréchal.
Ouve e walon
candjîI fourit on scrijheu e walon do payis d' Nameur eyet ancyin prezidint des Relîs Namurwès.
Et ttossu matén k' e 1902, il evoye ses arimés ås gazetes walones “Li Mårmite” pu “l' Coirneu”.
C' esteut onk des mwaisses sicrijheus del gazete "Li Bancloke".
C' est dins l' Coirneu k' i va-st eplaidî e fouyton on roman : “Li bedoye”.
Après, i ndè scrît on deujhinme : “Pitch Carlier, prumî adjint d' veye di Nameur”, wice k' i s' fote des romans policîs, ki c' est l' fouke, don, di ces trevéns la.
Après l' guere di 1914-18, i tome malåde, mins scrît co “Li pus bele båshele di Crupet” wice k' i tape so l' vicaedje sins ratna des anêyes di l' après-guere 14.
Après s' moirt, les Relîs editît on livret, kel tite, c' est “Un humoriste namurois : le docteur Charles Camberlin”.
Hårdêyes difoûtrinnes
candjî
Li Wiccionaire si rsieve di sacwantès fråzes da Charles Camberlin po-z enimådjî des mots k' i gn a.
Vos trouvroz des racsegnes so les ouves da Charles Camberlin, u les ouves zeles-minmes, so Wikisourd e walon.
