Live Carnoy so les viyaedjes, les hamteas et les aiwes del Beldjike

Li Live Carnoy so les viyaedjes, les hamteas et les aiwes del Beldjike, ki s' no e francès, c' est Origine des noms des communes de Belgique, y compris les noms des rivières et principaux hameaux, c' est on live sicrît pa Albert Carnoy, on prof a l' Univ di Lovén.

C' est on gros sprè live di 779 pådjes, eplaidî e 1948 ki rashonne les abayeyes etimolodjikes po ces nos la.

I dene eto, sovint, les nos e walon, dizo l' alomåcion "prononcîz ...".

Po les nos des ancyins ptits bans del Walonreye, les etimolodjeyes da Carnoy ont stî raveureyes u disdeyes pa Jules Herbillon.

Mins po les hamteas et les aiwes, c' est l' prumî live avou ces dnêyes la totes eshonne. Ça fwait k' il a dandjreus stî l' mwaisse sourdant do Live Jespers so les nos d' plaeces del Walonreye et d' Brussele.

Côde e Wiccionaire : TG2.