Stanislas Bormans

Stanislas Marie Bormans sikepia-st a Hasse li 2 d' fevrî 1835 et mora-st a Lidje li 15 di nôvimbe 1912.

C' esteut on sincieus k' a stî professeur a l' univiersité d' Lidje, årtchivisse di l' Estat a Lidje, mimbe del Comission Royåle d' Istwere di Beldjike.

Ouve pol walon

I scrijha bråmint des årtikes so l' istwere do payis d' Lidje eyet sol motlî do walon lidjwès.

Il amoussa come replaeçant mimbe el Comission Royåle d' Istwere li 20 d' nôvimbe 1874; divna mimbe soçon li 26 di måss 1891, et poy prezidint li 6 di djulete 1891.

Come ricwerances sol walon, gn a:

on motlî so les houyires a Lidje, Vocabulaire des Houilleurs liégeois (E171), eplaidî e 1863; il a siervou come sourdant pol ricweraedje sol houyreye lidjwesse da Jean Haust.
on motlî so les taeneus d' Lidje, Glossaire [du bon métier des tanneurs de la cité de Liège], eplaidî e 1863 dins l' BSLW, T. .., pp. 361-388.
on motlî so les drapîs, Glossaire technologique du métier des drapiers, eplaidî e 1867 dins l' BSLW, T.9, pp. 240-296.