Li shijhe ou screne ou woeye, c' est l' boket do djoû d' 24 eures ki va di l' anuti, disk' å moumint k' on va coûtchî, mins nén pus tård ki meynute. I fwait don nute a ç' moumint la.

Shijhe, Parambikkulam, Kerala, India

Les eures del shijhe si lomnut avou "al nute" (7 eures al nute, ût eures al nute, nouv eures al nute, dijh eures al nute, onze eures al nute).

Li shijhe tineut grande plaece dins les kminåltés di viyaedjes, dinltins (disk' ås anêyes 1960, k' ont veyou l' arivêye del televuzion). Ca les familes si rtrovént el måjhon, totes les djermêyes eshonne, sovint divant on feu e l' aisse. Pacecô, avou, les vijhéns vinént shijhner (ou shijhler).

Ene shijhe foû d' on cotoû d' famile si lome purade ene "swerêye".

Po des linwincieusès racsegnes sol mot "shijhe", alez s' vey sol Wiccionaire

Li shijhe di dinltins el Walonreye candjî

On-z î racontéve voltî des fåves do vî vî tins. C' est bråmint adon k' ele passént d' on raconteu a l' ôte; des grands-parints ou parints ås efants.

Vini al shijhe e-n ene måjhon avou ene djonne feye, po on djonnea, c' esteut come des acoirdances. Po ene trope di djonnea, on moyén di cnoxhe des djonnès cmeres.

A l' esté, ås longs djoûs, li shijhe esteut replaeceye pa ene swerinne (raploû so on banc, divant l' ouxh, di l' anuti disk' a dvant l' noere nute).