Sint Marcou

Sint Marcou (F. Marcoul, Marculphe u Marcwald), c' esteut on moenne do tins de Merovindjins (5inme sieke), i vna-st å monde a Bayeux, el Normandeye. Il esteut siervou po s' rifé u s' waeranti do må sint Marcou.

Il evoya Helier po cvierser a crustins les dmorants d' Djersey, eyet i vizita l' iye lu-minme eto; on dit k' låvå i fjha sacwants miråkes

I mora l' 1î d' may 588 ezès iyes k' ont lome asteure Sint-Marcou, ki s' trovèt å lådje do cåzîlea do Cotentin. Les rlikes da sinne ont stî metowes dins l' abeye di Corbény, wice k' elle ont djouwé on role po les coronaedjes des roys di France; did la l' tradicion ki vout k' les roys di France (et les cis d' Inglutere) polexhe riweri do må sint Marcou avou leus mwins.

On hamtea di Chli est lomé a s' no, di minme k' ene comene del Normandeye (Saint-Marcouf).