Sins rime ni rame (powinmes)

Sins rime ni rame, c' est ene ramexhnêye di powinmes (nén rimés) da Albert Maquet eplaideye dins l' coleccion micRomania e 2008.

ISBN 2-930364-34-3

Contnou

C' est céncwante powinmes di ût vers, pîtlés mins sins waire di rimes.

Tchaeke powinme est basti sol minme tcherpinte: troes côp on vers di 7 pîs shuvou d' on vers di 5 pîs, pu deus set-pîtaedjes po les deus dierins.

Tinmes

C' est des tinmes foirt foû-ordinaires. Ene miete a môde di tuzaedje d' on dmey-doûs… ou d' on filozofe.

Egzimpes

XXI

«Cwand tos les rosseas do monde

ès vôront dner l' mwin…»

«Çoula m' frè (e)ne bele djambe, vormint»

breya on pelake.

«Et (e)ne bele plome a nosse tchapea»

porshuvît deus ôtes,

on tchenou et on ptit noer

ki n' polént sofri l' coleur.

XXIII

Les andjes, mes frés et mes sours

(n' a nén l' mot k' i fåt)

si khagntént dpoy on ptit tins

åtoû do «bouneur».

Di cwè k' dji m' mele, Signeur Diu !

Des andjes… li «bouneur» !

«Èn veyoz nén, lzî deri dj',

k' i n' a k' ås omes ki ça stitche? »

Corwaitaedje

Tecnikes di tcherpetaedje

On rténrè des ristitcheyès fråzletes

Les andjes, mes frés et mes sours

(n' a nén l' mot k' i fåt)

Si khagntént dpoy on ptit tins

Åtoû do «bouneur».

Croejhete

Uzaedje des pronos ås dvanceyès voyales (i a môde di sacwants coines del Hesbaye dins l' mwaisse modêye.

èn veyoz nén, lzî deri dj' (in´ vèyez nin…)

Cwand tos les rosseas do monde ès vôront dner l' mwin (is´ vôront n'ner l' min)

Rimes nén atindowes

Mågré k' i n' a — sapinse å tite — ni rime ni rame, on ndè trouve pacô on rimaedje, pår inatindou:

èn veyoz nén, lzî deri dj'

k' i n' a k' ås omes ki ça stitche.