Li sindrome des polets måcrexhants (e-n inglès Runting-Stunting Syndrome), c' est on sindrome k' on rescontere dins les polets d' poytreye.

Sacwants oujheas ni crexhèt nén come i fåreut, çou ki s' voet a pårti del cwatrinme samwinne. Les oujheas d' ene minme binde ni sont sont nén pareys å vindaedje, avou 1 a 10 åcint d' racoulots, çou ki fwait piede des liårds å pouytî.

Li sindrome a stî discrît dispu les anêyes 1940, mins foirt kinoxhou dins les poytreyes totavå l' Daegne dispu les anêyes 1970.

Senes del maladeye candjî

Li morance totåle del trope n' est nén candjeye.

Al fén, li poytreye est foirt disrîlêye, avou, a 45-50 djoûs, des gros polets di 3 kilos et des racoulots di 1 kilo et dmey (normåldimint, dins les anêyes 2010, tertos divrént aveur åtoû d' 2 kilos diviè 42 djoûs). Li tôs di rindmint d' l' alimint, estô di 1,8 kilo d' amagnî po on kilo d' polet, rivént a des chifes di 2,1 a 2,2.

Cåzes do sindrome candjî

On a taper l' hate so les reyovirûsses. Mins gn a toplin ds ôtes microbes k' ont stî trovés dins des sfwaits cas, inte di zels :

I shonne eto ki ene froede airance do tins di l' aclevaedje, cwand on vout spårgnî do mazoute ou des bonbones di gåz pol tchåfaedje del plaece ås poyons, li froede airance refoircixh li maladeye.

Espaitchance candjî

Målåjhey di dire les bounès piceures po s' mete cwite del maladeye, ca elle endè va sovint come elle a vnou (dins les tropes di polets shuvantes), sins k' on såye douvént.

L' eploctaedje des meres disconte les reyovirûsses a stî sayeye, mins ci n' est nén li rméde sovrin. On-z a asprové eto di vacciner les poyons, mins ça rvént trop tchir, dins les condicions normåles do comiece.

On ricmande les mwaissès rîles d' on boun aclevaedje des polets, metans : - respecter les timperateures do bastimint cwand les moxhons sont co poyons. - moenner l' ansene evoy lon del poytreye, ca les microbes del maladeye dimorèt divons les polenes.

Sourdants candjî

  1. Papî e-n inglès di 2008