Sacwants spots e walon d' Måmdiy (livret)

Une sélection de SPOTS en WALLON MALMÉDIEN

Sacwants spots e walon d' Måmdiy, ki l' vraiy tite e francès, c' est «Une sélection de SPOTS en WALLON MALMÉDIEN», c' est on ptit livret, eplaidî do Rweyå Club walon d' Måmdiy e 2023.

Li live a stî adjinçné pa Marie-Claire Buchholz, Sarah Delvaux, Jacky Lodomez eyet Walter Schröder a l' ocåzion des 125 ans d' ådje do Club walon.

Côde e Wiccionaire : SpE21 (loukîz a : Djivêye des lives di ratourneures et spots walons).

Contnou

Li livret est crås di 50 espots, saetchîs foû do Motî Scius (E21).

Tchaeke pådje kimince på spot. Shût si ratournaedje mot po mot. Adonpwis, ene pus longue esplikêye. Après, on spot francès ki lyi rshonne.

Gn a eto dijh belès imådjes del pene da Sarah Delvaux, rahoucant 10 des spots do livret.

Po fini, on motlî walon francès di nouv pådjes, pu on franwal di nouv pådjes eto. Tchaeke mot est revoyî al pådje do spot k' il est dvins.

Corwaitaedje

L' ortografeye a stî ene miete rapontieye. Insi, po i n’ a nou mônî ki n’ åye si stî, li livret scrît:

i n’ a nou mônî ki n’ âye su stî (p. 35)

Adon ki Hubert Scius ortografyive:

i n’i a nou monî qui âye su stî (E21 a « monî »)