Li Sårt-Custene, dins l' tins Li Sårt divant Djedene (so plaece Lu Saur, F. Sart-Custinne), c' est èn ancyin ptit ban del Walonreye, rebané avou Djedene.

Istwere candjî

Ci n' est k' al fén do 17inme sieke k' il a pris s' novea no, cwand l' signorreye do Sårt a tchait, pa on mariaedje, dins l' djeron d' ene famile di Dinant, les "Saint-Vincent", k' estént signeurs di Custene, ene paireye del Conteye di Rotchfoirt.

Djeyografeye candjî

Ene tradicion vout ki so les boirds di Houye, å pré des Rwas, gn aveut on tchestea. Li pont eter Måvjhén et l' Sårt si loméve li pont des Payins. On asseure ossu k' eter Patiniye et l' Sårt åreut egzisté èn ancyin viyaedje: Bohimont u Bohémont.

Enute, i gn a des bives ki viként so Houye, dilé l' molén del Galete.

Rilomés Sårtîs candjî

C' est l' viyaedje da François-Djèrå PIRSON (1765-1850), ki fourit mayeur di Dinant, deputé, et mimbe do Congrès nåcionå.

Nos d' plaece candjî

  • Molén del Galete (molén a aiwe, di 1851)
  • Li Cinse di Longtchamp (100 ha), eclavêye dirî Hodrémont.
  • Li Cinse di Bweron (25 ha) avou on grand vivî, dilé Riene