Rima ås ptits nos

On rima ås ptits nos, c' est èn arimea, avou des foirt courts vers, ki fwaiynut rimer ene tote coûte fråze, pa côp sins viebe, avou on ptit no.

I s' fwaiynut voltî avou des ptits nos walons.

Egzimpe di rima ås ptits nos e walonModifier

Kéne afwaire, Houbert
Iy! Meliye !
N' a rén ki broûle, Rawoûl !
Disk' a pus tård, nonård !
Elle est kine, Bertine !
T' es trop ptit, Hinri !
T' as ene bele tchance, Merance !
Disk' a dmwin, Firmin !
S' i fåt, i fåt, Linåd !
Louke a tes djonnes, Polône !
Fonce, Alfonse !
Ké bazår, Djåspår !
Pus vite, Dadite !
C' est on macté, Bernabé !
Kéne måle, Tchåle !
Kéne biesse, Nenesse !
T' es-st èn ome, Lolome !
Ki t' es bele, Adele !
Dimane trankile, Camile !
Ké laid piou, Aernou !
T' as bourdé, Doné ![1]

Ôtes egzimpes e walonModifier

  • Pinse tu, Lulu ![2]
  • Distinkioz, Bruno !; distinkyîz, Meliye ![3]

Egzimpes e francèsModifier

  • Relax, Max

SourdantsModifier

  1. P.H. Thomsin; Tchaeke si gosse; divins Bulletin wallon, moes d' avri 2005.
  2. Emile Pècheur, Li Rantoele, bontins 2008.
  3. Lucyin Mahin, Arimeas sins mirlifitches, 2007, nén eplaidî.