Rilidjon å Bon Diu

Ene Rilidjon å Bon Diu u rlidjon monoteyisse, c' est ene rilidjon rashiowe sol creyance å Bon Diu.

tåvlea des profetes des rlidjons abråmikes

Soûmint del creyance

Ele creyèt totes ki l' Bon Diu s' a vnou fé cnoxhe a Abråm.

Les profetes et påtriyåtches sont cåzu les minmes, disk' å prumî sieke divant Djezus-Cri, todi.

Djivêye des rlidjons å Bon Diu

• rilidjon djwive: li pus veye del binde, skepieye diviè 2000 dv DjC
• rilidjon crustinne: skepieye diviè 50 après DjC
• rilidjon muzulmande: skepieye diviè 600 après DjC

Gn a u gn a yeu des ôtes rilidjons ki creyèt a on tolu metou ådzeu di ttafwait, adon li fén parey å Bon Diu abråmike.

Insi les viyès creyances do Congo-Kinchassa, Li Bon Diu c' est Nzambi, li no dné e lingaedje kicongo. C' est «Nzambe» e lingala, «Mu-ungu» e kiswahili, «Imana» e kiniarwanda et kiroundi.

Impôrtance

C' est les rlidjons les pus cnoxhowes sol Daegne, avou l' miyård di muzulmans, li miyård et dmey di crustins, et l' role eternåcionå del rilidjon djwive.

Ele s' ont spårdou insi tos tchamps to payis, aprume pask' ele n' acceptèt nén voltî les ôtès creyances, loukeyes come les cenes des «payins» u des «måcreyants». Did la les gueres et les tracaedjes par zeles u conte di zeles.

Insi, å Congo, les missionaires s' ont rashiou sol creyance a Mzambi, po fé passer li restant del rilidjon catolike.

Dins totes ces creyances la, nos veyans ki l' prumire est åjhey a-z acmoirder po l' missionaire catolike ki dj' esteu : Mzambi, li Grand Mwaisse, li grand Askepieu, c' est l' Bon Diu, sins manke.