Ridaedje R/L

Li ridaedje R/L, c' est l' candjmint d' son do son L eviè li son R, u årvierdimint.

On s' end abaitixh åd triviè des disfondowes d' on minme mot, u inte les scrijhaedjes d' asteure et les vî scrîjhas.

Ci passaedje la est foirt åjhey e walon, a cåze d' on prononçaedje rôlé do R, k' esteut foirt corant disk' å 20inme sieke.

Manaedjmint do ridaedje R/L pa les rfondeus

Dins li rfondaedje do walon, li ridaedje R = L a télcô stî ritnou, télcô nén.

Egzimpes di rfondaedje avou L

• Pus lådje oyowes: colidôr.
• Sorwalondes: råle.

Egzimpes di rfondowes avou R, k' ont des disfondowes avou L

• ceréjhe (cèlîhe).
• berike (bèlike)
• prandjire (plandjêre)
• miere (mèrde, mins emîlé).

Li ridaedje R/L et l' etimolodjeye.

Kékès egzimpes.

• bodje latén alnus, disfondowes ornia (ônea), no d' Aiwe : Ôrnô.

passaedje d' on bodje avou L a on mot avou R

• clon => cronzoxh.

Ôtes ridaedjes vijhéns

Ridaedje L/R

• (rofondowes) carcul, carculaedje
• (dosfondowe) pilûre

Ridaedje R/Y

Après cossoune : covri => coviete; coviake

Dins des ôtes langues

E basse, les R sont rôlés come e castiyan. Mins gn a bråmint des cåzeus francès k' el prononçnut avou on screpé R come e francès.

Hårdêye difoûtrinne

(fr) esplikêyes sol ridaedje R/L (dins l' grosse croejhete Hendschel, tot dischindant a "R")