Pitizeye des poyes

Li ptizeye des poyes (on dit eto: tuberculôze des poyes), c' est ene maladeye des poyes cåzêye pa ene micobactireye ki s' lome Mycobacterium avium.

pitizeye des poyes: nuketes e foete

Minêyolodjeye

Li maladeye ni s' rescontere ki dins les ptits polis d' cinse, nén dins les grossès poytreyes.

Ele rascråwe purade les poyes (et les coks) ki sont ddja d' ådje, nén les poyons ni les poyetes et cokeas.

Li microbe del pitizeye des poyes ni s' prind nén åzès djins.