Pire li Houyeu (operå)

Pire li houyeu (Piére li houyeû), c' est ene operå e walon da Eugène Ysaÿe ki n' a måy sitî eplaidî. C' est l' dierine ouve do scrijheu, li mî adierceye, paret i. Elle a stî creyeye a Lidje li 4 di måss 1931, a schipe 3 samwinnes divant l' moirt di l' oteur. Li royinne Lisbete esteut dins l' såle. L' ouve fourit difuzêye e minme tins al radio eyet Izayî l' etinda di so s' tchambe e l' ospitå. Après, i djåza minme e direk dins l' posse.

Après Lidje, l' operå a stî djouwé et a Brussele li 25 d' avri 1931.

Mins on a eto rtrové èn erudjistrumint ki date di 1951. C' est l' adrovaedje di l' ouve.

Il a stî studyî pa Philip Sisto, po s' teze di muzicolodjeye a Case Western Reserve University, Cleveland, Ohio (Estats Unis).

Tinme

Pire, on porion, a divnou, sins l' trop voleur, li moenneu d' ene binde di houyeus ki fjhèt greve. I decidnut di mete ene bombe dins l' buro do mwaisse del houyire. Meliye, si feme ri rsait. Ele saye del fé candjî d' avis. Mins lu n' vout nén, et aler mete li bombe e plaece. Meliye si winne divins l' buro, et va rapicî l' bombe. Mins cisse-ciale lyi potche inte les mwins, et l' touwer.

Pire, fén disbåtchî, decide di passer l' restant d' ses djoûs en on moustî.

Li tinme est basti so èn etrevén ki s' a passé podbon e 1877.

Rôles

(fr)

• Mèlîye (soprano) -
• Piére (ténor) -
• Djåke (baryton) -

• Premier houyeû -
• Deuxième houyeû -
• Troisième houyeû -
• Un moine -

Plake lazer

Piére li houyeû, Guylaine Girard (soprano), Alain Gabriel (ténor), Patrick Delcour (baryton), sous la direction de Jean-Pierre Haeck avec l'Orchestre et Chœurs de l'Opéra royal de Wallonie, Musique en Wallonie MEW 0844-0845, 2008, 2 CDs.