Paul-Henri Thomsin

scrijheu walon
(Redjiblé di Paul-Henry Thomsin)

Paul-Henri Thomsin a skepyî e 1948. C' est on scrijheu e walon do payis d' Lidje.

(diviè 1995)

Il a stî relî dins l' Antolodjeye Scrire.

Ouve pol walon candjî

I ratourna bråmint des bindes d' imådjes.

Tot fén seu, il eplaida ås «Noer Dessén» on live e francès avou des fråzes et ratourneures e walon: L' amour a môde di Lidje (2002).

 
 
 

Mins si mwaisse ouve, c' est ses biyets di totes les samwinnes dins li ptite gazete Vlan (1992-2011), ene coirnêye ki s' lome «Vlan avå lès vôyes».

Tot cåzant del såjhon et des fiesses, i mostere ene bele apriyesse do walon, et ene grande sinsiûlisté. I rascoya, po ça, li pris del Veye di Lidje e 1997.

Il a eto ratourné des fåves da Lafontinne.

Sacwants lives da På-Hinri Thomsin candjî

Li walon avå les voyes candjî

E moes d' decimbe 2004, Paul-Henri Thomsin eplaida li pus ptit live måy imprimé e walon, veyanmint k' i n' est ki 5 cm hôt : «Li walon avå les voyes». End a fwait 10.000 k' ont stî dnés tot avå martchî d' Noyé a Lidje.

 
Li walon avå les voyes (3inme modêye)
(avou ene regue po l' muzurer)

L' atuze diswalpêye, c' esteut kel walon esteut on bea cado ki nos avans-st avou d' nos tåyes, et k' lyi faleut rinde li statut d' bistoke. Po s' fé buskinter sifwaitmint, les djins ont corou après come ci n' est nén possibe. Li stok a stî spoujhî so 15 djoûs.

Gn a yeu ene deujhinme pu ene troejhinme modêye.

Après çoula, i nd a replaidî on sfwait avou les ratourneures sol santé. On l' dinéve po rén dins les ospitås d' Lidje.

Hårdêye difoûtrinne candjî

Si pådje so l' Aberteke.