Padrî les hourêyes (arimés)
Padrî l's-uréyes
Padrî les hourêyes (Padrî l's-uréyes), c' est ene ramexhnêye di powinmes e walon, da Jean Guillaume.
Li ramexhnêye n' a stî publiyeye k' après s' moirt, e 2001 dins les Cayés walons, pu replaideye come live e 2012.
Sacwants bokets d' powinmes del ramexhnêye
candjîLai la tes lives, va, m’ fi.
Ass dandjî d’ leu croejhete po comprinde les moxhons ?
Vos estoz foirts vozôtes avou vosse syince,
Fijheus d’ rinkinkin !
Dji vos l’ lai, poirteus d’ berikes !
C’ est tizôtes ki m’ a fwait djoker,
Vos avoz stî l’ astantche ki l’ ri va mori conte.
Ça fwait k’ dj’ a lî bråmint des lives,
Mins dj’ a rovyî l’ coleur do pwin…
Dji n’ sai pus frumjhî, esse apougnî på vint,
Et les bråvès biesses mi rwaitnut d’ cresse.
Mins dji n’ so nén on rnonceu, on rnoyeu !
Dji vos frè ramxhî tertos avou mi scoreye !
Apoirtez m’ des efants et des fruts a bresseyes.
Dj’ esteu fwait po crexhe al vinvole come on crouwå,
Et vs m’ avoz rseré dins ene gayole.
Evoye tos les nos : Zande, Felisse;
Gn a pus d' "ké novele" ou d' "kediss"
Kî vloz k' on atôtche e tournant ?
Pus ene djin po lyi dire "moman" (p. 20)