Pî-diermite epufkinêye
Li pî-diermite epufkinêye u pî-diermite evilmêye, c' est ene maladeye k' ascût li pî-dieme (pea nourixhante di l' onguea, nawea do pî) des bovrins.
Minêyolodjince
candjîLi maladeye avind li pus sovint les vatches fwaites (5 ans et dpus). Mins on l' a eto veyou dins les veas.
L' onglete li pus sovint enindjeye, c' est l' difoûtrinne d' ene pate di drî. Après ça, l' onglea divintrin d' ene pate di dvant.
Avnance et senes del maladeye
candjîEle s' atrape å pus sovint dins å plantchî di l' onglete. Adon, ene va distrure les texhous vijhéns, et si stinde tot doûçmint. Mins gn a nou sene clinike tot on tins (li biesse ni xhale nén). Eyet li coine continowe di crexhe a costé, si bén k' i s' va fôrmer on dobe plantchî.
Cwand l' sûna des pårteyes malådes divént trop foirt, li vatche va lever l' pate, et xhaler djus.
Médiaedje
candjîCwand ene vatche xhale djus, il est rekis di sorlever l' pî po loukî padzo. Årvier do blanc-må, li pea do drî del pate n' est nén efouwêye sol mitan, mins djusse so onk des doets.