On fi d' trop (teyåte)

On fi d' trop (On fi d'trop´), c' est ene pîce di teyåte e walon da Nicole Goffart, creyeye e 2018.

Prezintaedje

Li mwaisse persounaedje, c' est Robiet Dobwès, on traeyincieus ki moenne si eterprijhe avou ene mwin d' fier.

Come droet bresse, il a tchoezi Djan, si pus vî des fis. I n' a nole asteme po Mår, li racoulot.

Djan n' end a k' po les çanses, sins nou sintimint ni po s' mame, ni po s' djonne fré, k' i tape a l' abat dipus k' a s' toû.

Årvierdimint, Mår, c' est on tinrûle, mins ki djowe å deur po muchyî ses dloujhances. Si pasmint d' tins, c' est l' muzike.

Avou ça k' i voet voltî Clodine, li penleuse del societé…