Li nute do messaedje ou nute del destinêye (e-n arabe «لیلة القدر», lîlat‿al-qadr), c' est li nute do 26inme å 27inme djoû do cwareme muzulman, mon les Sunites, todi.

l' andje Gabriyele k' aprind l' Alcoran a Mawoumet

Creyance muzulmane candjî

Ele rimimbere li voyaedje foûnaturel do profete Mawoumet del Meke a Djeruzalem pu si acinsion å cir et ridschindaedje. C' est la ki l' andje Gabriyel åreut mostré tot l' Alcoran a Mawoumet (divant d' esse disté boket pa boket tins des 23 anêyes ki shuvît).

Les andjes dischindrént do cir cisse nute la.

Dujhances rilidjeuses kimenes a tot l' islam candjî

 
priyeus, e-n Iran

A pårti del priyire del shijhe, on va lére tot l' Alcoran dins les moskêyes, disk' å aireurs do djoû. Tchaeke praticant î pout dmorer l' tins k' i vout. Les lijheus si rcandjnut po poleur magnî inte les côps.

Doûcès creyances candjî

E Marok, on croet k' èn (omrin) andje, lomé Sidna Qadr, vént foû do stoelî a on metou moumint del nute. Si on l' voet, on lyi pout dmander çou k' on vout, et esse egzocé.

Ôtès uzances candjî

 
efants rabiyîs si fjhant fotografyî (Marok)

Å Marok, on abeye les ptits efants avou des novelès mousseures, et s' aler pormoenner dins les rowes des veyes.

On aprestêye voltî do couscousse, et magnî des setchs fruts.

El Coisse d' Ivwere, mon les Malinkés, gn a des danses e l' oneur des båsheles (li kourouli). Pu on dene des crostiyons a tertos (wommini).[1]

Sourdants candjî

 
Commons
I gn a so les cmons Wikipedia des imådjes ou fitchîs son a vey avou l' nute do messaedje .
  1. sol Wiki e francès