Nova Belgica (operå)
Èyèt si New York s'reut walon ?
Nova Belgica avou on dzo-tite «eyet si Noû York sereut walon ?» (Èyèt si New York s'reut walon ?), c' est èn operå sicrît pa Michel Robert et djouwé pol prumî côp e 2024.
Oteurs
candjîLes tecses do livret et les paroles des tchansons, c' est l' ouve da Michel Robert. Il a bouté ossu a l' essinnaedje avou Pascal Héringer. Les muzikes , tot çoula etdes tchansons ont stî compôzêyes pa Marc Keiser.
Contnou
candjîLi spectåke conte 30 tåvleas et 22 tchansons. Gn a so li scanfår 30 acteurs moussîs come adon.
Tinme
candjîLi pîce est rashiowe so l' alomåcion istorike «Nova Belgica» dinêye a des teritweres d' Amerike bijhrece, asteure ezès Stats Unis.
Dins l' prumire pårteye, on fwait cnoxhance avou Catrene Tricot, ene tourisse walone ki va viziter Noû York. Tot rmontant dins l' tins, ele divént li mwaisse persounaedje, ki c' est s' ratayone. On voet cisse-ciale ki doet cwiter les Bas Payis espagnols l' an 1624, cotchesseye a cåze di l' Inkizicion. Leye et les sinnes s' ertrouvnut a Misterdam, la k' il ebarkêynut so ene gowelete lomêye «Niew Nederlandt».
Li deujhinme pårteye del pîce mostere li vicaedje sol batea, disca l' arivêye e l' Amerike.
Avancixhmint do pordjet
candjîLi pordjet aveut stî scrît e francès pa Michel Robert dispu pus d' dijh ans, mins sint avni a fén. C' est tot djåzant avou Pascal Héringer k' il a l' dår di sayî d' monter l' pîce e walon. Ké dalaedje po ratourner les tecses e walon, avou l' motlî tchoezi pa Michel Robert, a milouter so les compôzucions da Marc Keizer ! ELzî a falou shijh moes po-z adiercî leu côp.
Adon, faleur fé aprinde les tecses ås solisses, inte di zels, Pierre-Jean Vandesmissen, Julie Mus, Brigitte Hallet et Lohan Gillard. Avou ene masse d' ôtes comedyins, ci fourit troes rdites par samwinne.
Li miråke : mågré li gripe chinwesse, les timpesses di nive, li spectåke fouri djouwé divins totès såles rimpleyes a stritche : a Moustî-so-Sambe les 18 di djanvî (creyåcion), et les troes ôtes londmwins. A Couyet, les 24 et 25 di fevrî; A Fosse-li-Veye li 6 d' avri.[1]
Bokets del pîce
candjîTchanson d' l' adrovaedje
candjîSicrire, sicrire po n' nén k' li tins n' roveye;
Po les moirts, les vicants;
Po k' li vint ni spåde nén nos låmes a l' intche di sonk.
Sicrire pol memwere, po nos tayons;
Pol veye, po nos soçons
Sicrire, sicrire…
Po no vicåreye.[2]
Priyire do priyesse
candjîOn djonne curé catolike dimande a si eveke di pinde pitié des protestants.
Mins cwè çk' i vout, lu, no Bon Diè ?
Li påye so no tere.
Adon, mins cwè çk' i vout, no Pere ?
Tchessî l' mizere.
Des gråces, des pougneyes di mwins,
Des efants mindjant a leu fwin.
Å diåle li hinne et les gueres,
Les touwreyes, les moirts, les mizeres !
Rén k' des priyires ![3]
Sourdant
candjî- ↑ Pascal Héringer, Nova Belgica, qué dalâdje, El Bourdon l° 763, fevrî 2024, pp. 2-7.
- ↑ sol foyou di rclame.
- ↑ El Bourdon]] l° 763, come ådzeu, p. 4.