Nova Belgica (operå)

Pol discramiaedje des årtikes avou l' mot « Nova Belgica », loukîz cial.

Èyèt si New York s'reut walon ?

afitchete di rclame

Nova Belgica avou on dzo-tite «eyet si Noû York sereut walon ?» (Èyèt si New York s'reut walon ?), c' est èn operå sicrît pa Michel Robert et djouwé pol prumî côp e 2024.

Oteurs

Les tecses do livret et les paroles des tchansons, c' est l' ouve da Michel Robert. Il a bouté ossu a l' essinnaedje avou Pascal Heringer. Les muzikes , tot çoula etdes tchansons ont stî compôzêyes pa Marc Keiser.

Contnou

Li spectåke conte 30 tåvleas et 22 tchansons. Gn a so li scanfår 30 acteurs moussîs come adon.

Tinme

Li pîce est rashiowe so l' alomåcion istorike «Nova Belgica» dinêye a des teritweres d' Amerike bijhrece, asteure ezès Stats Unis.

Dins l' prumire pårteye, on fwait cnoxhance avou Catrene Tricot, ene tourisse walone ki va viziter Noû York. Tot rmontant dins l' tins, ele divént li mwaisse persounaedje, ki c' est s' ratayone. On voet cisse-ciale ki doet cwiter les Bas Payis espagnols l' an 1624, cotchesseye a cåze di l' Inkizicion. Leye et les sinnes s' ertrouvnut a Misterdam, la k' il ebarkêynut so ene gowelete lomêye «Niew Nederlandt».

Li deujhinme pårteye del pîce mostere li vicaedje sol batea, disca l' arivêye e l' Amerike.

Tchanson d' l' adrovaedje

Sicrire, sicrire po n' nén k' li tins n' roveye;
Po les moirts, les vicants;
Po k' li vint ni spåde nén nos låmes a l' intche di sonk.
Sicrire pol memwere, po nos tayons;
Pol veye, po nos soçons
Sicrire, sicrire…
Po no vicåreye.