Motlî Lempereur et Marcelle so les plantes

Li "Motlî Lempereur et Marcelle so les plantes", c' est ene djivêye des nos walons des plantes avou les accints do Coûtchant walon. C' est èn årtike k' a parexhou dins les Dialectes de Wallonie e 2006.

Si tite e francès, c' est Les noms des plantes dans le walon occidental.

Il a stî scrît pa Louis Marcelle, so ene prumire djivêye da Emile Lempereur. Cisse-ciale aveut stî ramexhnêye pa l' ome a pårti des lomaedjes d' onk di ses vîs mononkes, Henri Lempereur, k' esteut djårdinî di s' mestî.

Riprins sol limero [O99] dins l' Djivêye des motîs do walon.

Sourdants

Li djivêye da Limpreur a stî recråxheye di :

• les nos risplitchîs dins l' Motî do Coûtchant walon, et eto dins on dossî nén eplaidî ritrové dins les vîs papîs da Arille Carlier.
• les cis do Motî d' Cerfontinne
• les cis do Motî del Lovire
• les cis do Motî d' Nivele
• les cis do Motî d' Djanmioû
• les cis d' on rcweraedje da Robert Dascotte Les noms wallons des plantes de la région du Centre", parexhou dins l' Mouchon d'aunia e 1985.
• les cis d' èn ôte ricweraedje da Jean Lebeau : Les noms en patois de Jamioulx de quelques plantes indigènes ou cultivées, k' a stî eplaidî dins Natura Mosana (Tchålerwè, 1974).
• les cis do brouyon 2005 do Franwal do Coûtchant walon.

Dilé les nos e walon, gn a les nos e francès ey e latén, minme les sinonimes. I manke, po l' ovraedje esse bén ahessåve, èn indecse des nos laténs et francès, come dins les ôtes rilomêye djivêye come li cene da Boxus.

Egzimpe d' intrêyes

• lairdjon :

lèrdjon * n.m. (cht). Laiteron des champs ou laiteron maraîcher. Sonchus arvensis vel Sonchus oleraceus.

létijon n.m. (cb, dow, dwc) voir lèrdjon.

Insérer ici un texte non formaté