Motlî d' Doncô
Li motlî d' Doncô (ki l' mwaisse tite est e francès ey e-n almand : Le wallon frontalier de Doncols-Sonlé / Grenswallonisch aus Doncols-Soller), c' est on motî walon-francès et walon-almand, scrît pa Alain Atten, ey eplaidî pal comene di Winderlé a Lussimbork e 1980. I fwait 105 pådjes
I dene, e sistinme Feller, les mots walons corants eployîs a Doncô eyet Sonlé, les deus seus viyaedjes walon-cåzants del Grande Dutcheye e 20inme sieke.
Li motî d' Doncô est rprins sol limero [S44] dins l' djivêye des motîs do walon.
Contnou Candjî
Come adrovaedje å motî, gn a on foirt sipepieus studia so ces deus viyaedjes la, avou troes mapes sol walon di tote li contrêye metowe al frontire del province do Lussimbork et del Grande Dutcheye (pp. 3-32)
Shût l' motî lu-minme, k' i gn a eto des nos d' plaeces divins. Tchaeke mot walon est ratourné e francès ey e-n almand.
Al p. 100, on tecse e walon et s' ratournaedje e francès (pp 102-103)
Les sourdants do motî sont lijhîs pådjes 104 et 105.
Shuvance Candjî
Li motî d' Doncô a dvou esse on sourdant foirt consecant po l' enondaedje et l' tcherpintaedje do motî d' Bastogne, ki rascove ene contrêye djusse astok, et avou cåzu l' minme accint do walon.
Li ratournaedje e-n almand est eto foirt ahessåve pol Wiccionaire walon.
Sacwants piceures diyalectolodjikes Candjî
Les viebes del deujhinme troke sont avou on long "i", dabôrd ki dins l' motî d' Bastogne, i l' sont avou ou court.
Hårdêyes difoûtrinnes Candjî
- Copeye éndjolike (so l' Aberteke)
- Mots dedja ristudyîs (sol Wiccionaire)