Modele:Mwaisse pådje/Årtike do moes
Li Bulgareye, c' est on payis å sud-ouwess di l' Urope; il a des coisses sol Noere Mer a l' Ess, li Grece eyet l' Tourkeye å Sud, li Serbeye eyet l' Macedoneye a l' Ouwess, eyet l' Roumaneye å Nôr.
L' aiwe di Danube fwait l' frontire inte li Bulgareye eyet l' Roumaneye.
Les Bulgåres, on peupe di nindje turke di l' Azeye cintråle, s' ont vnou maxhî avou les dmorants slåves viè l' fén do 7inme sieke eyet askepyî l' prumî Estat bulgåre e 681.
Dins les siekes shuvants, li Bulgareye a stî e margaye avou l' Impire Bizantin åd fwait di leu plaece dins les Balkans, mins al fén do 14inme sieke li payis a passé dzo mambornance di l' Impire Otoman.