Mimile et les bribeus d' toubak 4 (plake di muzike)

Li cwate (4) da Mimile et les bribeus d' toubak, c' est ene plake e walon da Mimile k' a moussî foû e 2018.

Gn a 10 tchansons e walon, sicrîtes pa Philippe Antoine (5), Mimile lu-minme (3), Gérard Baudrez (1) eyet Jacques Desmet (1).

Les muzikes sont da Mimile (8), Georges Brassens (1) eyet Pascal Obispo (1).

Limero SABAM : wpwa/83150

Ecwårlaedje do pordjet

Li pordjet a stî ecwårlé pårteyemint pa micro-aspalaedje. Gn a yeu set aspaleus so les deus moes del portchesse — mins motoit nén tertos pal voye del Daegntoele.–, çou ki n' est nén si må po des pordjets sol walon. Leus nos ont stî rprins sol livret del plake.

Divêye des tchansons

Å cafè do tribunå (Au cafè du tribunal); ci cafè la a divnou on bocson, et les Couvinwesses ni veyèt nén çoula d' on boun ouy.
El trake (El traque): des tchesseus, des trakeus et Anik k' î ténreut botike dizo ses nipes.
Po ene viye djonne feye (Ode à vierge honnie): ene poliçresse vént mete li disdut dins les dujhances del boune veye di Couvén.
El racoulot (El raculot); tinme do «ptit rtrové», so on tecse da Gérard Baudrez.
Divant (Avant); bilan di çou k' nosse djermêye a fwait, et l' dire å gamén k' i fåt d' evåye et fé s' voye tot seu sins di rtourner.
Mizere di mi (Misère dè mi), on redjårbaedje da Brassens pa Philippe Antoine.
Bouneur pierdou, so on tecse da Jacques Desmet.
Li liberté d' esse ploumé (L' liberté d'yèsse pleumé), on redjårbaedje del tchanson Obispo pa Flipe Antoenne.
Li mame Talat (L' mame Talat), so on tecse da Flipe Antoenne.
Li veye come ele va (L' vîye come ele va), todi so on tecse da Flipe Antoenne.

Shuvance

Li plake rascoda li Pris del Federåcion Walonreye-Brussele e 2019

Alére

Lucien Mahin, Mimile : li cwate (4), Li Rantoele 88, ivier 2017-2018.