Mierlou

Li mierlou, c' est on magnåve pexhon foirt corant dins l' Atlantike eyet l' Mîtrinne Mer.

Sincieus no d' l' indje : Merluccius merluccius (mins gn a des ôtes sôres di mierlous)

Discrijhaedje

C' est on blanc pexhon ki pout fé disk' on mete trinte di long. Mins å pus sovint, i sont pexhîs åtoû d' 35 citimetes.

Spårdaedje

On l' rescontere dins tote l' Atlantike bijhrece, tot do long des coisses di l' Urope et d'l' Afrike, disk' å Senegal. End a ossu ey e l' Mîtrinne Mer, nén tant å Levant eyet dins l' Noere Mer.

Vicaedje

I crexhe foirt doûçmint.

I pout viker inte 18 a 20 ans. Les måyes ni vikèt nén si lontins, et crexhnut pus londjinnmint k' les frumeles.

Pexhaedje

pitchotes (pitits mierlous), å pexhnî

E droet uropeyin, i shonne k' on n' poye nén pexhî des pus ptits ki 20 cm el Mîtrinne Mer et 27 cm e l' Atlantike.

I shonne k' i soeyexhe meyeus. Il ont on no a pårt e-n espagnol «pijota» (pitchote). E l' Tourkeye li longueur minimom est d' 25 cm, ey å Marok di 20 cm.

I shonne k' on va viè on sorpexhaedje. Insi, gn aveut 160.000 tones di pexhîs e 1955, disconte di 60.000 tones e 2000, eyet 100.000 tones e 2010.

Portant, dins l' Bijhe di l' Atlantike, i shonne k' on a-st arivé a on abloncî pexhaedje. Ci n' est nén pus a Nonne, a pårti del Gofe do Liyon, eyet e l' Mîtrinne Mer.