Mierpoûssire

Ene mierpoûssire (pacô ossu miergotlete), c' est ene tote pitite barbôjhe di mannesté k' arive dins l' air.

Si elle est houmêye, ele si stitche parfondmint dins l' peumon, et pout esse ene cåze di magnant må.

Produjhaedje des mierpoûssires

Ci sereut les moteur å mazoute bråmint l' cåze des miergotletes ki s' amoncelnut dins les grandès veyes.

Mins on a eto djåzé di l' uzmint des plaketes d' erayoe.

Les oujhenes ki produjhèt des poudes end evoyèt dins l’ air ossu,pask’ ele passèt houte des pus fenès passetes. Metans les oujhenes d' Indji k' ovrèt so les pires di tchåsse.

Muzuraedje del cwantité d' mierpoûssires et politike veyrece

Dins bråmint des grandès veyes d' Urope, dispu l' fén des anêyes 2010, on a rastrindou li rôlaedje avou des otos å mazoute. Pår tins des termenes di tcholeur, la k' gn a waire di bodjaedje di l' air.

Les deus plaeces les pus tcherdjeyes e mierpoûssires el Walonreye, c' est l' payis d' Tchålerwè et li stindêye d' Indji-Lidje (avou Sint-Djôr, Flemåle, Gråce-Hologne, Serè, Sint-Nicolai-dlé-Lidje, Anse, Hesta, Tchôfontinne, Binne-Heuzea eyet Fléron).

Baxhaedje do tô d' mierpoûssires

Avou l' minêye del gripe chinwesse (2020) et l' recloymint ki s' end a shût, li cwantité d' mierpoûssires a baxhî pår dins des veyes come Lidje, Brussele et Anverse.