Mecanisse di Diswalpaedje sins Mannixhance

Li Mecanisse di Diswalpaedje sins Mannixhance, c' est ene piceure economike po vinde des droets d' manni, enondêye avou l' Protocole di Kioto.

A pårti des acoirds po rastrinde l' evoyaedje di CO2 dins l' air, les oujhenes ont des liveas d' CO2 a n' nén passer houte. Ôtmint, ele vont esse gadjêyes po bråmint des cwårs.

Po n' nén diveur payî ces amindes la, ele polèt ecwårler on pordjet ricnoxhou come rastrindeu d' evoyaedje di CO2. Ele serè racwitêye di l' aminde po deus troes côps meyeu martchî.

Metans :

• li rapexhaedje di biyogaz dins les distcheyaedjes ås mannestés.
• li bastixhaedje di tourniketreyes.

Ci ecwårlaedje la si fwait på ratchtaedjes di Bons d' carbone. Sovint les pôves payis, k' ont bråmint moens anichté l' atmosfere ki les ôtes ont yeu droet a des Bons d' Carbone po rén.

Les Bons d' Carbone si vindnut et s' atchtêynut so on martchî esprès.