Massif des Tchåtrous

Li massif des Tchåtrous, c' e-st on massif di montinnes des Préalpes, metou aprume dins l' dipårtumint francès di l'Isére et ossi dins l' ci del Savoye. C' e-st ene redjon naturele. Li pus hôte cresse (Chamechaude) est 2 082 metes hôte. Pol pus grande pårt, c' est des riguilites di schavêyes (anticlinål) et d' cresses (sinclinål) di castinne metowes d' al bijhe a nonne. Inte les gofes, ki les aiwes di Guiers eyet les ôtès aiwes ki s' tapèt dvins corèt dins l' fond, i gn a des passåjhes. Il î ploût bråmint, mins gn a waire d' aiwe ki dmeure so les teres et les rotches, ca ele ride evoye dins des rantoeles karstikes cåvlêyes dins l' castinne.