Marote malårdiveuse

Ene marote malårdiveuse u malårdieuse (on dit eto, ene miete po rire, on tok), c' est ene djesse k' on rfwait tofer sins î tuzer, di cåze di des noerès idêyes ki rvegnnut tofer.

marote d' hagnî dins ses ongues

Ci djesse la pout fé baxhî l' angoxhe cåzêye pa ces noerès idêyes la.

Egzimpes

Si laver tofer les mwins, disca î passer ene eure par djoû.

Hagnî ses mwins.

Si letchî les lepes

Wårder tos les vîs rahisses, sins rén taper evoye.

• 
  marote di wårder ttafait
• 
  marote di letchî ses lepes
• 
  toc di letchaedje a on tchén

Dins les belès-letes e walon

Dins s' sovnance «L' accidint», Joselyne Mostenne esplike k' elle a yeu ene grande kernaxhe a s' gåtche bresse estant ptite.

Li laide et grande costere – ene sacwè d’ drole et di sbarant – a divnou ene kernache ki royléve mi brès. Et cmincî a m’ fé assoti ! Adon, dj’ a fwaît çou k’ on lome on « tok » do gautche costé. Dj’ aveu todi håsse – va-z è comprinde pocwè – di fé tot fini pa ç’ costé la di m’ coir. Mi gautche djambe, dins les montêyes, i lyi faleut ariver å-dzeu l’ prumire. Cwand on m’ dinéve ene sacwè d’ bon a magnî, c’ esteut todi avou l’ gåtche mwin k’ i mel faleut mete a m’ boke. C’ est come si dj’ åreu yeu vlou, di tote foice, ki ç’ soeye ci costé la k’ åye li wangne. C’ esteut ene sôre di recoraedjmint po mi ptit bresse tot moudri.

Ås biesses

Les tchéns si polèt fé des grinnleusès plåyes tot s' letchant tofer al minme plaece (sovint ås dibout des pates).