Marcel Hecq (di s' no d' pene «Marecq» ou co «Pessimisse»[1]), c' esteut on scrijheu e walon k' aveut skepyî li 1î d' awousse 1903 a Hinne-Sint-Pire. Il a morou li 8 di djulete 1950.

Marcel Hecq
Skepiaedje1î d' awousse 1903, Sint-Pire (Inne)
Moirt8 di djulete 1950
Ôtes nosMarecq

Di s' mestî, il esteut inspecteur des scoles, pu prof d' univ a l' ULg.

Relî dins l' grosse antolodjeye Piron et dins «Vint-cénk escrijheus e walon ås deus Inne».

Ouve pol walon candjî

I cmince dedja a scrire e 1921 (a 18 ans). Adonpwis, i va eplaidî ene masse di tecses di totes les sôres dins l' «Mouchon d' aunia»

Il est cnoxhou po-z aveur sicrît l' powinme «ene boune cråsse pinte», k' a divnou ene tchanson voltî rtchantêye pa Julos Beaucarne et rprinjhe dins l' sitroete plake «Li ptite gayole».

E 1932, i vude ene ramexhnêye d' arimés, «Prumire mexhon» (Premi mèchon, Premîⁿ mèchon), ki serè replaideye e 1937.[2][3]

Adon-pwin, deus ôtes: «Bouquet-tout-fait», eyet «Arsouyeries».[4]

Tinmes candjî

Ses tinmes sont varyîs:

  • morålité (les tchvås d' bwès)
  • discrijhaedje do payis des houyires (èm vî teri, les moletes, el crasset d' fosse)
  • vicaedje des houyeus (el takeu, les feyes do pas)
  • vicaedje e l' famile (el pitit browire, les restons)
  • cåzaedje e walon (pårlez walon)[5]

Hårdêye difoûtrinne candjî

  Vos trouvroz des racsegnes so les ouves da Marcel Hecq, u les ouves zeles-minmes, so Wikisourd e walon.

Sourdants candjî

  1. Vint-cénk escrijheus p. 47.
  2. Live Paul Coppe p. 198.
  3. Grosse antolodjeye Piron p. 496.
  4. 270 sicrijheus p. 76.
  5. Willy Burgeon, Vint-cénk escrijheus e walon ås deus Inne» p. 50.