Macsådaedje di Munixh

Li macsådaedje di Munixh, c' est l' atacaedje do paviyon des sportifs israyelîs pa des terorisses palestinîs tins des djeus olimpikes d' esté di 1972.

I s' passa dins l' viyaedje olimpike li 5 di setimbe.

On comando terorisse palestinî, ki s' fwait lomer "Noer setimbe", mousse dins les tchambes des Israyelîs. Mwints esportifs vont cori evoye mins i gn a ddja on moirt et nouv ostaedjes. Al fén d' ene djournêye di negociyåcions etur les terorisses do comando et l' govienmint almand, ça s' va s' terminer dins l' sonk.

Troes elicopteres s' evolèt do viyaedje olimpike po l' aeropoirt Furstenfelbruck. Didins, i gn a les terorisses palestinîs, les ostaedjes israelîs et des oficires almands.

Les elicopteres aterixhèt dins l' noere nute mins, directumint, des blamantès fuzêyes s' aloumèt tocosté po asclairi l' noereur. Des tireus d' elite almands touwèt les terorisses mins ces-ci ont l' tins di vudî leus mitrayetes so les ostaedjes.

Gn ava di-set moirts.