Måjhinete so rowes

Ene måjhinete so rowes^[1] u tiniwôsse^[2], c' est ene pitite måjhon di bwès montêye so ene rimorke.

C' est po lodjî des djins ki vlèt viker pus simpmint.

Mwaissès dnêyes

Po ls Amerikins, ene sifwaite måjhinete ni dvreut nén awè dipus di 37 metes cwårés.

Ezès Stats Unis

C' est ene môde k' a-st ataké ezès Stats Unis dins les anêyes 2000. Elle a yeu on fel côp d' pôce tins del crijhe finançrece di 2007-2008.

E 2012, ene måjhinete so rowe costéve inte 20.000 et 50.000 dolårs US.^[3]

E l' Walonreye

Li môde a cmincî å coron des anêyes 2010. Les pris des måjhons avént gritchî pår (pask' on n' aveut pupont d' interesses e leyant ses cwårs e l' banke). Mins eto, gn aveut todi dipus d' djins ki vlént viker ecolodjicmint.

Divant les anêyes 2020, gn aveut nou manire di les mete dins ene dimande di prustaedje ezès bankes.

A pårti di 2022, ele divront replaecî les caravanes ki dmorént advitam dins les campignes.

Ces måjhinetes la sont vindowes a pårti di 50.000 uros. Mins end a des pus lucsuweuses ki vont disca 125.000 uros.^[4]

Sourdants

Commons

I gn a so les cmons Wikipedia des imådjes ou fitchîs son a vey avou les tiniwôsses .

↑ noûmot do walon eplaidî on prumî côp ås scoles di Bive do 9 di måss 2022.
↑ Prononçaedje e walon do calcaedje di l' inglès «tiny house», «tene» (pitite) måjhon (oyou d' on waloncåzant ki dismontéve des caravanes dins les campignes pa Uzeu:Lucyin).
↑ Wikipedia inglès.
↑ Émile De Dryver, L'Avenir 19 di fevrî 2022, p. 3.

[1] ûmot do walon eplaidî on prumî côp ås scoles di Bive do 9 di måss 2022.

[2] Prononçaedje e walon do calcaedje di l' inglès «tiny house», «tene» (pitite) måjhon (oyou d' on waloncåzant ki dismontéve des caravanes dins les campignes pa Uzeu:Lucyin).

[3] Wikipedia inglès.

[4] Émile De Dryver, L'Avenir 19 di fevrî 2022, p. 3.

[1]

[2]

[3]

[4]