Loumire di hosmint d' tere

Les loumires di hosmint d' tere, c' est des droles di loumires k' aparexhnut dins l' cir assoçnêyes a on hosmint d' tere. Mins nén dins tos les cas.

Ele polèt ossu ariver avou li spitaedje-foû d' on volcan.

Mwaissès dnêyes

On les voet djusse divant u djusse e minme tins ki li stombixhmint. Pus rålmint après.

Ça pout esse come ene bleuwe aloumire, ou ene bleuwe hetche dins l' cir. Gn eto des ôts sôres, ki rshonnnut a des blames ou ås aireurs do djoû. Pacô, ele sont discrîtes come des boles di feu.

Ele polèt fé l' efet d' loupe. Adon, del nutêye, i shonne ki les stoeles si raprepièt et raler e-n erî. Oudon s' esprinde pu s' distinde.

Esplikêyes

saye d' esplicaedje des loumires di hosmintd d' tere

Ele serént cåzêyes pa d' l' electrike ki provént do cafroymint des rotches, et ki si spåd dins l' air, tot l' electrijhant. Come l' electrike di frotmint.

Les diferinnès cognes et coleurs pôrént vni des diferinnès sôres di poûssire di rotche ki montèt del crevåde do seyisse. Motoit eto del timperateure diferinne po tchaeke tronnmint d' tere.

Hårdêyes difoûtrinnes

Temognaedjes rascodous après l' Hosmint d' tere do Hawse (2023) et ratournés e walon

• Temognaedje sol cogne d' aloumwere et d' aireur
• Temognaedje sol cogne d' aloumwere et d' esprindaedje / distindaedje des stoeles