Listeriôze

Pol discramiaedje des årtikes avou l' mot « Listeriôze », loukîz cial.

Li listeriôze, c' est ene maladeye des djins ki l' cåze, c' est ene bactereye k' on lome Listeria monocytogenes.

Li microbe del listeriôze

Mins l' maladeye sait ossu avinde bråmint des sôres di biesses (pådje tote seule)

Minêyolodjince

C' est on må k' on n' voet nén sovint, et c' est purade les ptits påpåds et les viyès djins ki l' hapèt. Ucobén les cis ki prindèt des droukes po baxhî li response do coir ås microbes.

I s' pout atraper avou des froumadjes di berbis u d' gade ki provnèt d' cinses k' ont l' maladeye. Eto avou del crowe tchå u del cene magneye djusse edoirmowe (nén cûte assez).

Cognes del maladeye

Gn a cwate sôres di cognes clinikes:

• li listeriôze del feme ki ratind. Elle pout piede l' efant.
• li listeriôze des påpåds, djusse sikepyîs.
• li listeriôze do cervea.
• li listeriôze des boyeas.

Li listeriôze est pus sovint ene pûne po les acleveus. Loukîz a : listeriôze des biesses.

Sacwants minêyes

Gn ava ene minêye e l' Espagne e moes d' awousse 2019, a cåze di tchå d' pourcea epestiferêye. So 222 malådes acertinés (foiravant e l' Andalouzeye), gn ava troes moirts dins les viyès djins et set fåssès coûtches.