Li royinne del nivaye (floriconte)

i royinne del nivaye ou li rinne des nives (e daenwès, Sneedronningenc), c' est on floriconte sicrît pa Hans Christian Andersen ey eplaidî e 1844 dins l' ramexhnêye «Noveas floricontes» (Nye Eventyr).

Sicrijhaedje

Li conte vout mete e sinne on bon et on mwais (purade ene boune et ene mwaijhe).

Mågré k' c' est onk des pus longs contes da Andersen, ci-ci l' åreut yeu scrît so cénk djoûs.

Persounaedjes

On macrea a emantchî èn estchanté miroe. I si speye et gn a deus bokets ki s' plantèt dins l' cour d' on ptit valet, Cai, ki dvént arnåjhe ådla.

On djoû, on nel ritrova pus.

Si soçone Djerda va cweri après, disk' e tchestea del royinne del nivaye dilé l' Pôle Nôr.

Sol voye, Djerda va rescontrer toplin des persounaedjes, inte di zels li båshele des calins, des djåzantès biesses et ene blanke dame k' a on nouzome djårdén.

Li conte si pårtixh e 7 bokets :

1. Li royinne del nivaye
2. Valet et båshele
3. Le djårdén del blanke dame
4. Prince et princesse
5. Li maraye et les bandiys
6. Li comere lapone et l' Finlandesse
7. Çou ki s' aveut passé dins l' tchestea del rinne des nives, et çou k' arivrè après.

Espwetaedje do conte

Li conte a stî rmetou e fime sacwants côps, dispu 1957.

E 2013, les studios end ont rexhou on fime d' imådjes mins avou ene sipoûle foirt ricandjeye : Li royinne del nivaye.