Gilbert du Motier de La Fayette

Lafayette, di s' plin no, Marie-Joseph Paul Yves Roch Gilbert du Motier, marquis de la Fayette (6 di setimbe 1757 - 20 di may 1834), c' esteut on nôbe francès, divnou militaire.

si portrait, pondou pa Joseph Désiré Court (1792)

Il a stî evoyî e l' Amerike po-z aidî les Amerikins a s' dislaxhî d' l' Inglutere.

Al Revolucion francesse, il a stepé evoye ezès Bas Payis otrichyins, mins il a stî ramassé a Rotchfoirt.

Istwere di s' ramassaedje a Rotchfoirt

E 1792, Lafayette aveut stî codåné come "traite al nåcion" pås revinteus francès. I s' vola aler catchî el Prûsse. Avou ds ôtes pareys a lu, il arivît a Rotchfoirt et dmander po trevåtchî dins les Bas Payis otrichyins. Les otorités otrichyinnes ont bén vlou, mins les oficîs francès si dvît dner a conoxhe.

Il arive a Rotchfoirt et lodje a l' "Otel do Pelican". Mins les Otchichyins estént djusse di l' ôte costé del voye, e tchestea d' Rotchfoirt. Adon, i l' ont vnou ramasser.

Cwand l' fel-marixhå otrichyin Moitelle, ki cmandéve a Nameur, a savou cwè po Lafayette, i lyi fjha dire kel prince Tchåle di Lorinne aléve vini a Brussele et l' vôreut bén vni trover po dvizer avou lu del sitouwåcion el France. Adon, Lafayette fourit emoenné a Lussimbork, et-z î esse reclôs.