Kik-bocsigne djaponès
Li Kick-boxing djaponès (riwalonijhî e kik-bocsigne djaponès), c' est on spôrt di toursixhaedje la k' on pout eployî ses pîs et ses pougns.
Po des cis k' i gn a, li mot "kick-boxing" åreut stî edvinté, å Djapon, dins les anêyes 1950 par des karatékas k' avént mezåjhe di lûter avou tos leus mimbes.
Ci sereut li birman Maung Gyi, on kick-bocseu ki l' åreut edvinté. Maung Gyi veut stî scolé e l' Birmaneye dilé des esperts do bando. Il aveut eto stî aprindisse dilé li tchampion do karaté, Gogen Yamaguchi, lomé "Li tchèt". E 1958, Maug Gyi ala lûter å Djapon, tot candjant s' no a tchaeke côp eyet fé cnoxhe li bocse birmåne oudonbén lethwei a l’ ocåzion des tournwès d' kik-bocsigne djaponès.
Po des ôtes, li kik-bocsigne djaponès åreut stî edventé, après les djeus olimpikes di 1964, pa l' adjinçneu d' lûtes Osamu Noguchi, po lomer ene modêye djaponesse do Muay thai.
Cwand il a stî e voyaedje d’ estudes dins les payis do sud-ess aziyatike i s’ inspira di çou k’ i veyeut so les rignes taylandès. Pô d' tins après, gråces a l’ enfoufiaedje da Kenji Kurosaki, shuveu do Kyokushinkai (sôre di Karaté ki permete les contaks), askepyive li Kick-boxing djaponès (ene bocse wice li réglumint permete di fraper a côps d' pî, di pougn, di djno eyet di keute, agréminté di kékes tapaedje djus di Judo). Noguchi cwirt on no amerikin po cisse novele dicipline, ki soeye åjhey a rmimbrer, eyet adon c' esteut eto succès do Kick-boxing. Après aveur creyé s' prôpe estîle di toursixhaedje, Kenji Kurosaki meta-st e plaece on nouzome camp d’ etrinnmint, e 1969, li Méjiro-Gym di Tokyo. Ci dierin divénrè li pionî do Kick-boxing des anêyes 1970. Il ourit come eleves des praticants rlomés come Akio Fujihira, Toshio Tabata, Yoshiji Soéno, li Francès Patrick Brizon, li Holandès Jan Plas (rlomé etrinneu holandès) eyet li clapant Toshio Fujiwara (ledjinde do Kick-boxing djaponès, avou 129 victweres). Sol tins des prumirès anêyes, les kick-bocseus djaponès vnént directumint do Kyokushinkai.
El fôme di Kick-boxing li pus mediyatike do monde est l' cene pratikêye a l’ ocåzion do rlomé tournwè do "K1" ki reyunit les meyeus cbatants del planete. Vocial Kazuyoshi Ishii, fondateu d' on stîle di karaté k' il a-st edvinté. Pårticulirmint, ces rîles di kick-boxing apelêyes "K1 rules" oudonbén "oriental rules" ont stî edictêyes å Djapon par des karatekas.
Hårdêyes difoûtrinnes
candjî- "A History of Kickboxing" pa Mikes Miles istoryin do kick-boxing américain
Sourdants
candjî- Alain Delmas, 1. Dictionnaire encyclopédique de la boxe et des autres boxes, Amiens, 1981-2005 - 2. Lexique de combatique , Ligue Midi-Pyrénées, Toulouse, 1975
- World amateur sport Kickboxing Organization (W.A.S.K.O. ) - & kickboxing