Josh Ritter

Josh Ritter (skepyî li 21 d' octôbe 1976), c' est on tchanteu-compôzeu et guitårisse amerikin. Il a, åtoû d' lu, li Josh Ritter & The Royal City Band, on orkesse rock and roll amerikin. E 2006, Josh Ritter a stî cité come onk des "100 pus grands tchanteus-compôzeus vikant" pa li Paste magazine. Ritter a on stile muzikal amerikin et a mwints côps stî rimetou a Bob Dylan, Bruce Springsteen et Leonard Cohen.

Josh Ritter a skepyî a Moscow, Idaho, e 1976, di deus parints neurologues. Djonne ome, après awè etindou di Johnny Cash et Bob Dylan li tchanson "Girl from the North Country" d' ses parints, il a sayî di sicrire des tchansons so on luth ki si pere aveut fé, divant di leyî l' luth po atchter s' prumire guitåre à K-Mart.

Ritter a stî a l' Oberlin College po studyî les neuroscyinces mins s' a reoriyinté pus tård viès l' "istwere amerikinne å triviè del muzike folk narrative". A 21 ans, Josh eredjistere si prumî albom "Josh Ritter" å studio d' eredjistrumint do campus. Après awè rçu s' diplome, Josh va enn' Escôsse al School of Scottish Folk Studies po shijh moes. Josh ratorne enn' Idaho po sacwants moes, divant d' daler a Providence, Rhode Island, pwis a Somervile, Massachusetts, eyou çk' il årè des ptits jobs et djowe so des libès scènes.