Joseph Grandgagnage

Joseph Grandgagnage (Nameur 1797, Imbour 1877) fourit on djurisse eyet scrijheu walon. Ene rowe a Nameur poite si no dispoy 1868 (dj' ô bén, di s' vicant). Il est l' mononke do diccionairî walon Charles Grandgagnage.

Joseph Grandgagnage (artiste: Petrus Johannes Arendzen)

Djôzef fijha ses studiaedjes di droet e l' univiersité d' Lidje, poy esse substitut do procureu do roy a Nameur (1823), conseyî al Cour d' apel di Lidje (1830), prezidint d' tchambe eyet prumî prezidint del minme cour d' apel.

Come oteur, i scrijha Coutumes de Namur et Philippeville (1869-70), co foirt epoyî påzès rcwereus d' Istwere; eyet ossu sacwants romans eyet rimeas mins foirt aloyîs al môde do moumint il ont stî rovyîs dispoy adon.

I s' interesséve eto åzès syinces natureles des biesses et des plantes, eyet a l' arkeyolodjeye; i fourit onk des askepieus e 1845 del Soce arkeyolodjike di Nameur, ki rçuva après s' moirt des tåvleas, desséns eyet ôtès sacwès åyant apårtinou a Grandgagnage.