Javier Milei

Javier Gerardo Milei, c' est on politikî årdjintin k' a nexhou dins ç' payis la, li 22 d' octôbe 1970, a Buenos Aires.

Foto da lu, e 2023.

Cårire

Ideyolodjeye

Javier Milei a sacwantès piceures politike. Télcôp, il est rwaitî tot-z estant d' foite droete. Sapinse a lu, il est anårtchi-capitalisse.

Po fé discrexhe les dispinses publikes, Javier Milei vout disfacer des ministeres timpesse, metans el ministere del tuzance. Todi dins l' boursete, i vout disbanåvler mwints siervices di l' Estat årdjintin. Al copete do mårtchî, i ricandjreut voltî li pwès årdjintin på dolår amerikin.

Å livea difoûtrin, Javier Milei vout stater l' comiece avou l' Chine ey el Braezi. Come di djusse, i rwaite ses payis come des comunisses. Tot rwaitant l' guere inte Israyel ey el Palestene, i sopoirte voltî puvite li prumî Estat.

Vôtaedjes

Javier Milei a stî eléjhou come prezidint di l' Årdjintene, li 19 di nôvimbe 2023. Mins nerén, il doet co ratinde li 10 di decimbe d' ciste anêye la po divni prezidint d' èç payis la. C' esteut l' candidat di l' aloyance La libertad avanza ([WA] El liberté avance), ki rprind : el Fuerza Republicana ([WA] Foice republikinne), li Partido Demócrata ([WA] Pårti Democrate), li Partido Fe ([WA] Pårti del Fwè), li Partido Libertario ([WA] Pårti libertariyin), li Partido Renovador Federal ([WA] Pårti do Mwaisse-rifijhaedje Federå) yet l' Unión Celeste y Blanco ([WA] Union Cir eyet Blanc).

Rilomêye

Les medias rwaitnut Javier Milei come el varyisté årdjintene di Donald Trump. Avou ça k' i s' fé puvite rmarké dins les medias avou s' manire di cåzer, ki fwait pinser a Donald Trump.

Dins ene videyo, on l' voet saetchî foû des rectingues avou l' no des posses di minisse. I s' pormoenne voltî eyet sovint avou ene tronçneuse po mostrer k' c' est l' ci ki va coper dins les dispinses publikes.