Georges Willame
Georges Willame a skepyî li 9 di djulete 1863; il a morou li 10 di fevrî 1917.
| Skepiaedje | 9 di djulete 1863 |
|---|---|
| Moirt | 10 di fevrî 1917 |
| Activités | scrijheu |
| Ôtes nos | Stoisy, Gamin |
C' esteut on scrijheu e walon, ki sinéve cobén dizo les nos d' pene di «Stoisy» et «Gamin».
Riprins dins l' grosse antolodjeye Piron.
Il a eto scrît e francès et fé des rcwerances so l' Istwere.
Di s' mestî, i fourit hôt fonccionaire a Brussele å ministere di l' Interieur. Låvå, il aida a askepyî des pris do govienmint po les scrijhaedjes e walon.
Ouve pol walon
candjîI fourit askepieu del gazete «L' Aclot», k' a parexhou di 1888 a 1890 et ki studyive li walon eyet l' foclore di Nivele.
Il amonta eto, avou Oscar Colson eyet Joseph Defrecheux li rvuwe "Wallonia".
I scrijheut purade des contes: ene pitite vintinne, bråmint eplaidîs dins "L' Aclot". On lyi doet co ene pîce di teyåte, "li rôze da Sinte Ernele", tuzêye a pårti d' on floriconte do payis d' Nivele.
Mins il a stî cnoxhou come fijheu d' belès-letes e walon, purade pa l' eplaidaedje après s' moirt, pa Jean Guillaume, d' ene vintinne di ses xhilteas ki n' avént nén stî rashonnés dvant, dizo l' tite «Sonnets, édition critique».[1]
Onk di ses bokets
candjî- On djoû
- Come èn efant trop scran ki rclame d' eschô di s' mere,
- Dilé vos, m' vî Nivele, po todi dj' ervénrè.
- Dji doimrè (doûrmirè) meyeu m' dierin some dins l' minme tere,
- Å mitan d' tos mes djins, k' al fén, dj' ertrouvrè (dj' èrtrouvèrré).
- Dji vôreu po ç' djoû la ki l' solea ès mostere,
- – Aski, dins dins m' noû lujhea resseré, dj' arivrè –
- Lu ki m' a si sovint seu rinde el veye ledjire,
- rén k' a rsouwer dvant mi l' yebe ramateye d' on pré.
- Ene djonnesse, di låvå m' veyant passer dsu l' voye
- S' aspoyrè dsu s' galant po lyi dire: «vo l' la voye!
- Il esteut vî assez, todi, po fé on moirt.»
- Mins l' djonne ome, tot sondjant, lyi respondrè putete,
- Pårlant come a lu-minme, etot saetchant s' caskete:
- «I nos veyeut voltî, ci-la; away, ça; foirt!»
Alére
candjîDifoûtrinnès hårdêyes
candjî- Pådje da G. Willame (so l' Aberteke)
- (fr) Biyografeye e l' eciclopedeye do movimint walon (e francès)
Powinme "on djoû"
Li Wiccionaire si rsieve di sacwantès fråzes da Georges Willame po-z enimådjî des mots k' i gn a.
Vos trouvroz des racsegnes so les ouves da Georges Willame, u les ouves zeles-minmes, so Wikisourd e walon.
Sourdant
candjî- ↑ Maurice Piron Grosse antolodjeye, p. 295