Gaston Libiestreye (binde d' imådjes)

Gaston Lagaffe, k' a stî ratourné e walon come Gaston Libiestreye u eco Gaston l' flotcheu, ou Gaston Libratche, c' est on persounaedje di bindes d' imådjes ki fwait tofer des biestreyes.

Frankin meteut on ptit "S" (rodje fritche) ådzo des plantches po les idêyes ki José Schoovaerts lyi aveut dné

C' est èn eployî d' buro del societé di binde d' imådjes «Dupuis».

Kékès dnêyes

Li persounaedje a stî askepyî pa Franquin, des studios d' bindes d' imådjes di Mårcinele.

Les ôtes persounaedjes ki sont todi avou lu:

• Purnele, li tchîf do buro
• Mamzele Djene, k' est amoureuse di lu
• Lonbetch, li policî ki lyi fwait des procès po si oto
• De Mesmaeker, l' ome d' afwaire ki divreut siner des contrats avou l' buro d' dessén.

A pårt fé des biestreyes, Gaston, c' est èn ome k' a l' mwin a tot, grand edvinteu di «sistinmes D». Avou ça k' il est ecolo dins l' åme. Il acleve on pidjon d' mer ey on tchet ki sont tofer avou lu.

Djozé Schoovaerts a pacô dné des idêyes a Franquin po s' "Gaston". Eto des ôtes come René Valentin et Luc Jonet.

Ratournaedjes e walon

E 2007, "Gaston" a stî ratourné e walon pol prumî côp, pa Yannick Bauthière, k' a atåvlé li no e walon. Loukîz a Gaston Libiestreye e walon.

E 2021 ^{(a-z aveuri)}, èn ôte albom a stî ratourné e walon d' Lidje (Sot'rèyes, bièst'rèyes èt boulètes) ey eplaidî ås Noer Dessén. Il a stî spoujhî sol côp. Pareymint avou l' modêye namurwesse (Bratches, flotches èt bièstrîyes) et l' cene carolo (Flotches, foûrlaches èyèt boulètes), 2024.

• 
  rifondou (2007)
• 
  modêye lidjwesse (2021)
• 
  modêye namurwesse (2023)
• 
  Modêye carolo (2024)