Fredrik II do Sint Impire

Fredrik II do Sint Impire (eto : Frederik II d' Hohenstaufen, Derik II d' Hohenstaufen; e-n almand, Friedrich II; po les cronikeus arabes "el-enboror"), c' esteut on rwè d' Almagne, d' Itåleye, del Sicile et do Rweyåme crustin d' Djeruzalem.

C' esteut on rossea.

I skepia li 26 di decimbe 1194. I mora li 13 di decimbe 1250.

I crexha el Sicile. Et studyî les syinces et l' filozofeye.

I s' fijha coroner impreur do Sint Impire Romin Djermanike på Påpe dizo l' condicion k' il ireut evayi l' Edjipe e 1221 (et aspalé li croejhåde moennêye pa èn eveke, Pegåze. Veyant k' i tårdjive, li Påpe li discomunia e 1225.

So on timbe, avou on wôteu

I djåzéve latén, grek, sicilyin, l' arabe, li normand, l' almand, et dandjreus eto l' ebreu.

Dins ses pasmints d' tins,gn aveut l' fåkinreye.

Si prindaedje di Djeruzalem

Avou l' zultan d' Edjipe, Al-Kamel

Loukîz a : «shijhinme Croejhåde»

Frederik n' ala el Palestene k' e 1228, après aveur fwait camaeråde avou l' zultan d' Edjipe, Al-Kamel. I lyi rinda Djeruzalem sins batreye, a cåze di carculaedjes politikes.

I fourit don li deujhinme a adiercî li såme des croejhådes (après Godfrwèd d' Bouyon, avou ça ki, lu, ni touwa nole djin so s' voye.

Il est discrît pa les Sibt Ben-Jawzi, on cronikeu arabe (cwand i vna a Djeruzalem) come on ptit rossea, sins tchveas, “ki n' våreut nén ddja on dirham s' i sereut vindou come esclåve”.