François Vérove

François Vérove, c' est on moudreu francès k' a nexhou li 22 d' djanvî 1962, a Gravlene, yet k' a morou li 29 di setimbe 2021, a Prades-le-Lez.

Biyografeye

François Vérove a cmincî a macsåder des djins tins del dijhnêye 1980, tot porshuvant disk' åzès anêyes 1990. Il a-st ataké s' cårire dins les foice di l' ôre come djindåre del Garde républicaine, viè 1983. Adon-après, il a divnou èn adjint d' polisse : aprume do costé d' Paris, pus do costé do Rône. E 2019, c' est l' an wice k' el moudreu a prindou s' pinsion.

Padvant ki François Vérove soeye ercnoxhou tot-z estant on moudreu, on-z a dné on spot å ci ki touwéve eyet viyoler les djins come lu : li Grêlé. On-z a comprindou al fén ki c' esteut ubén on djindåre ubén èn adjint. C' est pocwè, po nén esse prindou, i s' a distrût å moes d' setimbe 2021. Padvant, il a tolminme sicrît ene lete ewou çk' i clatche platezak sey li moudreu spoté « li Grêlé ». On-z a ritrové s' traece, gråce a s' seur dezocsiribonucleyike. I gn a yeu pont d' procès, veyanmint k' i s' a metou a fén.

Rilomêye

Ès rilomêye n' est nén po-z aveur sitî on djindåre, èn adjint, virpus on modreu, mins bén po-z awè prindou pårt a ene emission di France 2 : Tout le monde veut prendre sa place ([WA] Tertot vout prinde si plaece).