François Barillié

Chanchet Barillié

François Barillié, di s' no d' pene, Chanchet Barillié (Tchantchet Bariyî), c' esteut on scrijheu e walon.

I vna-st å monde a Lidje li 19 di nôvimbe 1821 (adon, skepyî avou l' nåcionålté holandesse), ey î mora li 31 d' octôbe 1902.

Di s' mestî, il esteut ovrî fierblantî et lampurnî.

Ouve pol walon

Il eplaida ene ramexhnêye d' arimés, «Li camaeråde del djoye» («Li camarad’ dè l’ joie»).

Come ouve di 1852 d' èn ome ki dit lu-minme «k' i sait pô lére et nén do tot scrire», c' est on fel documint istorike do scrijhaedje e walon.

I porshuva avou:

• Li gåre di nute (Li gard di nutte), 1862
• Li muzicyin a toû d' bresses (Li musicien à tour di bresses), 1862
• Conseys a on vî vef (Conseie à on vî vef), 1880

Hårdêyes difoûtrinnes

• Vos trouvroz des racsegnes so les ouves da François Barillié, u les ouves zeles-minmes, so Wikisourd e walon.
• Li Wiccionaire si rsieve di sacwantès fråzes da François Barillié po-z enimådjî des mots k' i gn a.